The news is by your side.

Advertisement

دنیا بھر میں کورونا وائرس اب تک8 لاکھ 41 ہزار سے زائد جانیں نگل گیا

کراچی : دنیا بھر میں کورونا وائرس سے متاثرہ افراد کی تعداد67لاکھ68ہزار ہوگئی جبکہ کوویڈ19 سے ہلاکتوں کی تعداد8 لاکھ41ہزار290تک پہنچ گئی ہے، ایک کروڑ72لاکھ سے زائد مریض صحت یاب ہوکر گھروں کو روانہ ہو چکے ہیں۔

تفصیلات کے مطابق انسانیت کے لیے انتہائی مہلک ثابت ہونے والی کرونا وبا سے ہلاکتوں کا سلسلہ جاری ہے، کووِیڈ نائنٹین کی عالمی وبا نے 212 ممالک کو لپیٹ میں لے کراب تک 8 لاکھ 41 ہزار 290 افراد کو نگل لیا ہے، جب کہ وائرس سے 67 لاکھ سے زائد افراد متاثر ہو چکے ہیں جبکہ وائرس سے اب تک ایک کروڑ 72 لاکھ سے زائد مریض صحت یاب ہو چکے ہیں۔

عالمی اداروں کی رپورٹ کے مطابق دنیا بھر میں کورونا وائرس سے اب تک 8لاکھ41ہزار290اموات ہوچکی ہیں اور اس وقت کورونا کے67لاکھ 68ہزار سے زائد فعال کیسز ہیں،فعال کورونا کیسز میں سے صرف ایک فیصد سنگین یا سنجیدہ نوعیت کے ہیں۔

اس وقت امریکا میں 60لاکھ 96ہزار سے زائد کیسزہیں جبکہ اموات ایک لاکھ 85ہزار901 تک جا پہنچی ہیں جبکہ برازیل میں 38لاکھ سے زائد کیسز سامنے آئے اور مرنے والوں کی تعداد ایک لاکھ 19ہزار594 ہوگئی۔

اس کے علاوہ بھارت میں 34لاکھ 61ہزارسے زائد کیسز رپورٹ ہوئے جبکہ وہاں اموات 62ہزار713 تک پہنچ چکی ہیں، روس میں 9لاکھ 80ہزار سے زائد کیسز سامنے آئے ہیں، اب تک 16914 مریض جان کی بازی ہار چکے ہیں۔

رپورٹ کے مطابق پیرو میں مجموعی کیسز6لاکھ29ہزارسےزائد،اموات 28ہزار471 ہوئیں جبکہ میکسیکو میں 5لاکھ 85ہزار سے زائد کیسز رپورٹ ہوئے یہاں کرونا کے مریضوں کی اموات63ہزار146بتائی جارہی ہیں۔

Comments

یہ بھی پڑھیں