The news is by your side.

Advertisement

کرونا کی تباہ کاریاں جاری، مزید 4323 افراد کوویڈ 19 کا شکار

اسلام آباد : کرونا وائرس کی تیسری لہر نے شہریوں کی زندگی اجیرن کردی، 24 گھنٹے کے دوران مزید 43 افراد دم توڑ گئے۔

ملک میں کرونا وائرس کی صورتحال مزید بگڑتی جارہی ہے، جس کے باعث حالت مزید خراب ہونے کا خدشہ ہے، نیشنل کمانڈ اینڈ آپریشن سینٹر کے کرونا وائرس کی تیسری لہر سے متعلق جاری کردہ اعداد و شمار سے بتایا گیا ہے کہ ملک میں کرونا سے مجموعی اموات کی تعداد 14 ہزار 821 ہوگئی۔

این سی او سی کا کہنا ہے کہ 24 گھنٹے میں 43 ہزار 362 کرونا ٹیسٹ کیے گئے جس میں سے 4 ہزار 323 نئے کیسز مثبت رپورٹ ہوئے۔

نیشنل کمانڈ اینڈ آپریشن سینٹر کا کہنا ہے کہ ملک میں 24 گھنٹے کے دوران کرونا کے ٹیسٹ مثبت آنے کی شرح 9.96 فیصد ہے جبکہ ملک میں کرونا کے فعال کیسز کی تعداد 61 ہزار 450 ہوگئی۔

Comments

یہ بھی پڑھیں