اسلام آباد: ترجمان دفتر خارجہ زاہد حفیظ کا کہنا ہے کہ حکومت کے بروقت اقدام سے کورونا وائرس کی شرح3.1فیصد تک گر گئی ہے۔
تفصیلات کے مطابق دفتر خارجہ کے ترجمان نے سماجی رابطے کی ویب سائٹ ٹوئٹر پر ٹوئٹ کیا کہ کورونا کی شرح تین اشاریہ ایک فیصد تک گرگئی اور یہ اب تک کی وبا کے دوران سب سے کم شرح ہے۔
انہوں نے لکھا کہ ملک بھر میں فعال کیسز کی تعداد47ہزار764ہے۔ خوشی ہے پاکستان کورونا وبا سے نمٹتے ہوئے کامیابی سے آگے بڑھ رہا ہے۔
Due to effective policies & timely interventions the #COVID19 positivity ratio in 🇵🇰 drops to 3.1%, lowest since current wave of the pandemic started. Total active cases in the country are down to 47764. Heartening to see #PakistanMovingForward in its fight against the pandemic.
— Zahid Hafeez Chaudhri (@Zhchaudhri) June 6, 2021
ادھر این سی اوسی کی جانب سے جاری بیان کے مطابق گزشتہ چوبیس گھنٹوں میں 52ہزار427کرونا ٹیسٹ کیے گئے، اس دوران ایک ہزار629نئے کیسز سامنے آئے جبکہ مزید 76 مریض وبا کا شکار ہوکر دنیا سے چل بسے،۔
پاکستان میں عالمی وبا سے شکار ہونے والے افراد کی تعداد 21ہزار265ہوگئی ہے۔
