لندن: برطانیہ کے بادشاہ چارلس سوئم کی تاج پوشی کا منفرد دعوت نامہ منظر عام پر آگیا جو کافی وائرل ہو رہا ہے۔
غیر ملکی میڈیا کی رپورٹس کے مطابق شاہی محل نے برطانوی بادشاہ کی تاج پوشی کے دعوت نامے کا آرٹ ورک جاری کیا۔ فنکار اینڈریوجیمیسن کے ڈیزائن کردہ ری سائیکل کارڈ پر پانی کے رنگوں کا خوبصورت استعمال کیا گیا ہے۔
دعوت نامے میں برطانوی لوک داستانوں کی قدیم شخصیت سمیت پھولوں کو شامل کیا گیا ہے۔ شاہ چارلس سوئم کی تاج پوشی چھ مئی کو ویسٹ منسٹرایبے میں ہوگی جہاں پچھلے ایک ہزار برس سے برطانوی بادشاہوں کی تاج پوشی کی جاتی رہی ہے۔
تاج پوشی کی تقریب میں دو ہزار مہمانوں کو مدعو کیا جائے گا۔
