کوئٹہ: صوبہ بلوچستان میں کرونا وائرس کیسز کی شرح کم ترین سطح پر پہنچ گئی، ستمبر کے پہلے ہفتے میں صوبے میں مثبت کیسز کی شرح صرف 3 فیصد ریکارڈ کی گئی۔
تفصیلات کے مطابق صوبہ بلوچستان میں کرونا وائرس کیسز میں نمایاں کمی ریکارڈ کی گئی۔ کرونا آپریشن سیل کا کہنا ہے کہ بلوچستان میں کرونا وائرس کے فعال کیسز صرف 1 فیصد رہ گئے۔
حکام کا کہنا ہے کہ صوبے میں فعال کیسز 400 سے کم ہوگئے، اسپتالوں میں داخل مریضوں کی تعداد صرف 6 ہے، کرونا کیسز رپورٹ ہونے کی شرح 7 ماہ کی کم ترین سطح پر پہنچ گئی۔
کرونا آپریشن سیل کے مطابق ستمبر کے پہلے ہفتے میں صوبے میں مثبت کیسز کی شرح 3 فیصد ریکارڈ کی گئی، یہ فروری 2021 کے بعد کیسز رپورٹ ہونے کی کم ترین سطح ہے۔
گزشتہ روز بلوچستان کے 4 اضلاع سے 8 کیسز رپورٹ ہوئے۔
Comments
- Advertisement -