کوئٹہ: صوبہ بلوچستان میں کرونا وائرس سے صحت یابی کی شرح 98 فیصد تک پہنچ گئی، صوبے میں کرونا وائرس کے فعال کیسز کی تعداد صرف 218 رہ گئی ہے۔
تفصیلات کے مطابق صوبہ بلوچستان میں گزشتہ 24 گھنٹوں کے دوران کرونا وائرس کے 14 کیسز رپورٹ ہوئے، صوبے میں فعال کیسز کی تعداد صرف 218 رہ گئی ہے۔
ترجمان محکمہ صحت کا کہنا ہے کہ تعلیمی اداروں میں کل 759 افراد میں کرونا وائرس کی تصدیق ہوئی۔
ترجمان کے مطابق کرونا وائرس کے مزید 3 مریض صحت یاب ہوگئے، صوبے میں کرونا وائرس سے صحت یابی کی شرح 98 فیصد تک پہنچ گئی۔
ترجمان کا مزید کہنا ہے کہ بلوچستان میں کرونا وائرس سے متاثر ہونے والے افراد کی مجموعی تعداد 16 ہزار 55 ہے، جبکہ کرونا وائرس سے جاں بحق افراد کی تعداد 154 ہوچکی ہے۔
خیال رہے کہ بلوچستان سمیت ملک بھر میں کرونا وائرس کے مجموعی کیسز کی تعداد 3 لاکھ 43 ہزار 189 ہے جن میں سے فعال کیسز کی تعداد 17 ہزار 804 ہے۔
ملک میں کرونا وائرس سے جاں بحق افراد کی تعداد 6 ہزار 968 ہوچکی ہے جبکہ صحت یاب افراد کی تعداد 3 لاکھ 18 ہزار سے تجاوز کرچکی ہے۔
