کوئٹہ: صوبہ بلوچستان میں کرونا وائرس کیسز میں واضح کمی دیکھی جارہی ہے، گزشتہ 24 گھنٹے کے دوران صوبے میں کرونا وائرس کے مثبت کیسز کی شرح 0.52 فیصد پر پہنچ گئی۔
تفصیلات کے مطابق صوبہ بلوچستان میں گزشتہ 24 گھنٹے کے دوران کرونا وائرس کے مثبت کیسز کی شرح 0.52 فیصد رپورٹ کی گئی۔
محکمہ صحت بلوچستان کا کہنا ہے کہ گزشتہ 24 گھنٹے کے دوران بلوچستان میں صرف 1 کیس رپورٹ ہوا، صوبے میں کرونا وائرس کے مصدقہ کیسز کی تعداد 35 ہزار 399 ہوگئی۔
محکمہ صحت کے مطابق بلوچستان میں کرونا وائرس سے جاں بحق افراد کی تعداد 377 جبکہ صحت یاب افراد کی تعداد 34 ہزار 966 ہوگئی۔
خیال رہے کہ بلوچستان سمیت ملک بھر میں کرونا وائرس سے مزید 6 مریض جاں بحق ہوگئے جس کے بعد کرونا وائرس سے جاں بحق افراد کی مجموعی تعداد 30 ہزار 287 ہوگئی۔
گزشتہ 24 گھنٹے میں مزید 758 کووڈ کیسز کی تصدیق ہوئی، کرونا وائرس کے مثبت کیسز کی شرح 2.07 فیصد رہی۔
