کوئٹہ: صوبہ بلوچستان میں کرونا کیسز کی شرح صفر پر پہنچ گئی، گزشتہ 24 گھنٹے میں صوبے میں کرونا وائرس کا صرف ایک کیس رپورٹ ہوا۔

تفصیلات کے مطابق محکمہ صحت بلوچستان کا کہنا ہے کہ صوبے میں گزشتہ 24 گھنٹے میں کرونا وائرس کا صرف ایک کیس رپورٹ ہوا۔

محکمہ صحت کا کہنا ہے کہ صوبے میں کرونا کیسز کی شرح صفر ہوچکی ہے، بلوچستان میں صرف 1 فعال کیس موجود ہے۔

خیال رہے کہ بلوچستان سمیت ملک بھر میں کرونا کیسز میں کمی کا سلسلہ جاری ہے، گزشتہ 24 گھنٹوں میں کرونا وائرس کے باعث کوئی ہلاکت رپورٹ نہیں ہوئی۔

این آئی ایچ کا کہنا ہے کہ گزشتہ 24 گھنٹوں کے دوران کرونا وائرس کے 101 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 15 لاکھ 26 ہزار 829 ہوگئی۔

ملک میں کرونا وائرس سے صحت یاب مریضوں کی مجموعی تعداد 14 لاکھ 87 ہزار 73 ہوچکی ہے۔