The news is by your side.

Advertisement

بلوچستان میں گزشتہ 24 گھنٹے میں 78 کرونا وائرس کیسز رپورٹ

کوئٹہ: صوبہ بلوچستان میں گزشتہ 24 گھنٹے میں 78 کرونا وائرس کیسز سامنے آئے، صوبے میں کل 26 ہزار سے زائد مصدقہ کیسز میں سے فعال کیسز کی تعداد صرف 860 ہے۔

تفصیلات کے مطابق صوبہ بلوچستان میں 24 گھنٹے میں کرونا وائرس کے پھیلاؤ کی شرح 7.57 فیصد رہی، بلوچستان میں گزشتہ 24 گھنٹے میں 1 ہزار 30 ٹیسٹ کیے گئے جن میں سے 78 مثبت آئے۔

محکمہ صحت کا کہنا ہے کہ بلوچستان میں کرونا وائرس سے جاں بحق افراد کی تعداد 297 ہوگئی ہے، صوبے میں کرونا وائرس کے فعال کیسز کی تعداد 860 ہوگئی۔

محکمہ صحت کے مطابق بلوچستان میں کرونا وائرس کے مصدقہ کیسز کی تعداد 26 ہزار 409 ہے جبکہ اب تک 25 ہزار 252 افراد صحت یاب ہوچکے ہیں۔

Comments

یہ بھی پڑھیں