The news is by your side.

Advertisement

بلوچستان میں کرونا وائرس کیسز کی شرح ایک فیصد ہوگئی

کوئٹہ: صوبہ بلوچستان میں کرونا وائرس کے مثبت کیسز کی شرح 1.14 فیصد ہوگئی، گزشتہ 24 گھنٹے میں صوبے میں کرونا وائرس کے 6 نئے کیسز رپورٹ ہوئے۔

تفصیلات کے مطابق صوبہ بلوچستان میں کرونا کیسز میں کمی کا رحجان جاری ہے، گزشتہ 24 گھنٹے میں بلوچستان میں کرونا وائرس کے مثبت کیسز کی شرح 1.14 فیصد رپورٹ کی گئی۔

صوبائی دارالحکومت کوئٹہ میں کرونا کیسز کی شرح 0.73 فیصد رپورٹ کی گئی۔

محکمہ صحت بلوچستان کا کہنا ہے کہ گزشتہ 24 گھنٹے میں صوبے میں کرونا وائرس کے 6 نئے کیسز رپورٹ ہوئے، 3 کیسز کوئٹہ اور 3 کیسز تربت میں رپورٹ کیے گئے۔

خیال رہے کہ بلوچستان سمیت ملک بھر میں گزشتہ 24 گھنٹوں کے دوران کرونا وائرس کے 12 سو 7 نئے کیسز رپورٹ ہوئے ہیں۔

کرونا وائرس کے باعث ایک دن میں مزید 14 اموات ہوئی ہیں جس کے بعد کرونا وائرس سے مجموعی اموات کی تعداد 30 ہزار 153 ہوگئی۔

Comments

یہ بھی پڑھیں