کوئٹہ: صوبہ بلوچستان میں کرونا کیسز کی تعداد صرف 13 رہ گئی جبکہ صرف 1 مریض اسپتال میں زیر علاج ہے۔

تفصیلات کے مطابق صوبہ بلوچستان میں کرونا کیسز میں نمایاں کمی رپورٹ کی گئی ہے، بلوچستان میں کرونا کیسز کی تعداد صرف 13 رہ گئی۔

کرونا آپریشن سیل کا کہنا ہے کہ صرف ایک مریض اسپتال میں زیر علاج ہے۔

گزشتہ 24 گھنٹوں کے دوران صوبے میں 157 ٹیسٹ کیے گئے جس میں سے صرف 2 مثبت آئے، صوبے میں مثبت کیسز کی شرح 1.27 فیصد رہی۔

بلوچستان میں کرونا کیسز کی تعداد 35 ہزار 471 ہوچکی ہے جبکہ اب تک 378 اموات ہوچکی ہیں۔

یاد رہے کہ بلوچستان سمیت ملک بھر میں گزشتہ 24 گھنٹوں کے دوران کرونا کے 269 کیسز رپورٹ کیے گئے ہیں جبکہ اس دوران 1 ہلاکت ہوئی ہے۔