اسلام آباد: نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران ملک میں کرونا وائرس کے 1 ہزار سے زائد نئے کیسز سامنے آئے جبکہ ملک بھر میں کرونا سے صحت یاب افراد کی تعداد 5 لاکھ سے تجاوز کر گئی۔
تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 1 ہزار 615 نئے کیسز سامنے آئے، ملک میں مجموعی کرونا کیسز کی تعداد 5 لاکھ 46 ہزار 428 ہوچکی ہے۔
ملک میں کرونا وائرس کے فعال کیسز کی تعداد 33 ہزار 493 ہوگئی۔
این سی او سی کے مطابق گزشتہ 24 گھنٹوں کے دوران کرونا وائرس کے مزید 26 مریض جاں بحق ہوگئے جس کے بعد ملک میں کرونا وائرس سے اموات کی تعداد 11 ہزار 683 ہوگئی۔
نیشنل کمانڈ سینٹر کا کہنا ہے کہ کرونا وائرس سے صحت یاب مریضوں کی مجموعی تعداد 5 لاکھ 1 ہزار 252 ہوگئی ہے۔
این سی او سی کے مطابق گزشتہ 24 گھنٹوں کے دوران کرونا وائرس کے 34 ہزار 785 ٹیسٹ کیے گئے، اب تک مجموعی طور پر کیے جانے والے ٹیسٹس کی تعداد 79 لاکھ 66 ہزار 981 ہوچکی ہے۔
ملک بھر کے 735 اسپتالوں میں کرونا وائرس کے 2 ہزار 92 کیسز تشویشناک حالت میں ہیں۔
