اسلام آباد: نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران ملک میں کرونا وائرس کے 1 ہزار سے زائد نئے کیسز سامنے آئے، ملک میں کرونا وائرس سے صحت یاب ہونے والوں کی مجموعی تعداد 5 لاکھ سے تجاوز کر گئی۔
تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 1 ہزار 72 نئے کیسز سامنے آئے، ملک میں مجموعی کرونا کیسز کی تعداد 5 لاکھ 57 ہزار 591 ہوچکی ہے۔
ملک میں کرونا وائرس کے فعال کیسز کی تعداد 30 ہزار 512 ہوگئی۔
این سی او سی کے مطابق گزشتہ 24 گھنٹوں کے دوران کرونا وائرس کے مزید 62 مریض جاں بحق ہوگئے جس کے بعد ملک میں کرونا وائرس سے اموات کی تعداد 12 ہزار 128 ہوگئی۔
نیشنل کمانڈ سینٹر کا کہنا ہے کہ کرونا وائرس سے صحت یاب مریضوں کی مجموعی تعداد 5 لاکھ 14 ہزار 951 ہوگئی ہے۔
این سی او سی کے مطابق گزشتہ 24 گھنٹوں کے دوران کرونا وائرس کے 31 ہزار 713 ٹیسٹ کیے گئے، اب تک ملک میں 82 لاکھ 88 ہزار 91 کووڈ 19 ٹیسٹ ہوچکے ہیں۔
ملک بھر کے 735 اسپتالوں میں کرونا وائرس کے 1 ہزار 744 کیسز تشویشناک حالت میں ہیں۔
