The news is by your side.

Advertisement

کرونا وائرس: ملک میں 670 نئے کیسز کی تصدیق، 6 مریض جاں بحق

اسلام آباد: ملک میں کرونا وائرس کے 670 نئے کیسز کی تصدیق ہوئی ہے جبکہ گزشتہ 24 گھنٹوں کے دوران کرونا سے 6 مریض جاں بحق ہوئے۔

تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹے میں ملک بھر میں کرونا وائرس سے 6 مریض جاں بحق ہوئے ہیں جس کے بعد ملک میں کرونا وائرس سے مجموعی اموات کی تعداد 6 ہزار 168 ہوچکی ہے۔

این سی او سی کا کہنا ہے کہ گزشتہ 24 گھنٹے میں ملک میں مزید 670 افراد میں کرونا وائرس کی تصدیق ہوئی ہے، ملک میں کرونا کے فعال کیسز کی تعداد 16 ہزار 248 ہے جبکہ مجموعی کیسز کی تعداد 2 لاکھ 88 ہزار 77 ہوچکی ہے۔

ملک میں اب تک 2 لاکھ 66 ہزار 301 مریض صحتیاب ہوچکے ہیں۔

این سی او سی کے مطابق سندھ میں کرونا کیسز کی تعداد 1 لاکھ 25 ہزار 904، پنجاب میں 95 ہزار 391، خیبر پختونخواہ میں 35 ہزار 153، اسلام آباد میں 15 ہزار 378، بلوچستان میں 12 ہزار 224، گلگت بلتستان میں 2 ہزار 486 اور آزاد کشمیر میں 2 ہزار 181 ہوچکی ہے۔

این سی او سی کا کہنا ہے کہ سندھ میں کرونا وائرس سے جاں بحق مریضوں کی تعداد 2 ہزار 317، پنجاب میں 2 ہزار 182، پختونخواہ میں 12 سو 38، اسلام آباد میں 173، بلوچستان میں 138 اور گلگت بلتستان و آزاد کشمیر میں 60، 60 ہو چکی ہے۔

این سی او سی کے مطابق گزشتہ 24 گھنٹے میں ملک بھر میں 24 ہزار 22 ٹیسٹ کیے گئے، ملک بھر کے 735 اسپتالوں میں کرونا وائرس کے 13 سو 8 مریض زیر علاج جن میں وینٹی لیٹرز پر موجود مریضوں کی تعداد 141 ہے۔

Comments

یہ بھی پڑھیں