اسلام آباد: ملک بھر میں کرونا وائرس کے مثبت کیسز کی شرح 4.68 فیصد ہوگئی، گزشتہ 24 گھنٹے میں مزید 71 مریض دم توڑ گئے۔
تفصیلات کے مطابق نیشنل کمانڈ اینڈ آپریشن سینٹر کا کہنا ہے کہ گزشتہ 24 گھنٹوں کے دوران کرونا وائرس کے 71 مریض انتقال کر گئے جس کے بعد کرونا وائرس سے مجموعی اموات کی تعداد 27 ہزار 206 ہوگئی۔
این سی او سی کا کہنا ہے کہ گزشتہ 24 گھنٹوں کے دوران کرونا وائرس کے 2 ہزار 580 نئے کیسز رپورٹ ہوئے، ملک میں کووڈ 19 کے مجموعی کیسز کی تعداد 12 لاکھ 23 ہزار 841 ہوگئی۔
ملک میں کرونا وائرس سے صحت یاب مریضوں کی مجموعی تعداد 11 لاکھ 32 ہزار 726 ہوگئی۔
این سی او سی کے مطابق گزشتہ 24 گھنٹوں کے دوران کرونا وائرس کے 55 ہزار 27 ٹیسٹ کیے گئے، اب تک ملک میں 1 کروڑ 88 لاکھ 52 ہزار 460 کووڈ 19 ٹیسٹ ہوچکے ہیں۔
این سی او سی کا کہنا ہے کہ گزشتہ 24 گھنٹوں میں ملک بھر میں کرونا وائرس کے مثبت کیسز کی شرح 4.68 فیصد رہی، ملک بھر کے 631 اسپتالوں میں کرونا وائرس کے 4 ہزار 964 کیسز تشویشناک حالت میں ہیں۔
ویکسی نیشن کی صورتحال
ملک میں اب تک 5 کروڑ 44 لاکھ 36 ہزار 916 افراد کو ویکسین کی ایک ڈوز جبکہ 2 کروڑ 39 لاکھ 66 ہزار 26 افراد کو ویکسین کی دونوں ڈوزز لگائی جا چکی ہیں۔
