The news is by your side.

Advertisement

پنجاب میں کرونا وائرس کے 2 ہزار سے زائد نئے کیسز رپورٹ

لاہور: صوبہ پنجاب میں کرونا وائرس کے 2 ہزار سے زائد نئے کیسز رپورٹ ہوئے جبکہ گزشتہ روز مزید 51 مریض جاں بحق ہوگئے۔

تفصیلات کے مطابق ترجمان پرائمری و سیکنڈری ہیلتھ کیئر کا کہنا ہے کہ صوبہ پنجاب میں گزشتہ 24 گھنٹے کے دوران کرونا وائرس کے 2 ہزار 571 کیسز رپورٹ ہوئے۔

ترجمان کا کہنا ہے کہ پنجاب میں کرونا وائرس کے مصدقہ مجموعی مریضوں کی تعداد 2 لاکھ 53 ہزار 14 ہوگئی۔ صوبائی دارالحکومت لاہور میں 13 سو 66 کیسز رپورٹ ہوئے۔

ترجمان کے مطابق پنجاب میں گزشتہ روز کرونا وائرس سے مزید 51 افراد جاں بحق ہوگئے جس کے بعد صوبے میں مجموعی ہلاکتوں کی تعداد 6 ہزار 97 ہوگئی۔

پنجاب سمیت ملک بھر میں کرونا وائرس کے مجموعی کیسز کی تعداد 6 لاکھ 40 ہزار 988 ہوچکی ہے جن میں سے فعال کیسز کی تعداد 37 ہزار 985 ہوگئی۔

ملک میں اب تک 14 ہزار سے زائد افراد کووڈ 19 کے باعث جان کی بازی ہار چکے ہیں، اب تک 5 لاکھ 88 ہزار افراد وائرس سے صحت یاب ہوچکے ہیں۔

Comments

یہ بھی پڑھیں