The news is by your side.

Advertisement

ملک میں کرونا وائرس کے 2 ہزار سے زائد نئے کیسز رپورٹ، مجموعی اموات ساڑھے 5 ہزار کے قریب

اسلام آباد: ملک بھر میں کرونا وائرس کے مصدقہ مریضوں کی تعداد 2 لاکھ 57 ہزار سے تجاوز کرگئی جبکہ وائرس سے اموات کی تعداد 5 ہزار 426 ہوگئی۔

تفصیلات کے مطابق ملک میں گزشتہ 24 گھنٹوں کے دوران کرونا وائرس سے 40 افراد انتقال کر گئے، جس کے بعد ملک میں کرونا وائرس سے مجموعی ہلاکتوں کی تعداد 5 ہزار 426 ہوگئی۔

نیشنل کمانڈ اینڈ کنٹرول سینٹر کا کہنا ہے کہ ملک میں گزشتہ 24 گھنٹوں کے دوران 2 ہزار 145 کیسز رپورٹ ہوئے ہیں۔ مجموعی کیسز کی تعداد 2 لاکھ 57 ہزار 914 ہوچکی ہے۔

این سی او سی کے مطابق پاکستان میں کرونا وائرس کے 73 ہزار 751 مریض زیر علاج ہیں، وائرس سے صحتیاب افراد کی تعداد 1 لاکھ 78 ہزار 737 ہوگئی ہیں۔

این سی او سی کا کہنا ہے کہ ملک میں 24 گھنٹے کے دوران 24 ہزار 262 ٹیسٹ کیے گئے ہیں، ملک میں اب تک 16 لاکھ 52 ہزار 183 کرونا وائرس کے تشخیصی ٹیسٹ کیے جا چکے ہیں۔

پاکستان کرونا وائرس کیسز کی تعداد کے لحاظ سے 213 ممالک میں بارہواں ملک بن چکا ہے، گزشتہ چند دنوں میں 10 لاکھ آبادی میں کیسز کی تعداد بڑھ کر 1 ہزار 157 ہوگئی ہے۔

10 لاکھ آبادی میں اموات کی شرح بھی 23 سے بڑھ کر 24 فیصد ہو گئی ہے۔ کرونا وائرس کی تشخیص کے لیے کیے جانے والے ٹیسٹس کی شرح 10 لاکھ آبادی میں 7 ہزار 365 ہے۔

Comments

یہ بھی پڑھیں