The news is by your side.

Advertisement

اہم پیشرفت، مائیکروسافٹ نے “کروناوائرس ٹریکر” متعارف کرادیا

واشنگٹن: کمپیوٹر سافٹ ویئر بنانے والی معروف کمپنی مائیکروسافٹ نے “COVID-19 ٹریکر” متعارف کرادیا جس کی مدد سے دنیا بھر میں کروناوائرس کے حقیقی کیسز کا اندازہ لگایا جاسکے گا۔

غیرملکی خبررساں ادارے کی رپورٹ کے مطابق دنیا بھر میں کروناوائرس سے متعلق افواہیں اور جھوٹی خبریں پھیلائی گئیں جبکہ کروناوائرس کے مجموعی مریضوں کی تعداد کا بھی اندازہ لگانا بہت مشکل تھا لیکن مائیکروسافٹ نے یہ بڑی مشکل بھی آسان کردی “COVID-19 ٹریکر” کے تحت شہریوں کو مصدقہ اطلاعات ملیں گی۔

اس ٹریکر میں دنیا بھر میں مجموعی کروناوائرس کے مریضوں کی تعداد سمیت ہر ملک کے اپنے اپنے خانے بنے ہوئے ہیں جس کے ذریعے کیسز کا پتا لگانا بہت آسان ہے، نئے کیسز کے سامنے آنے پر ٹریکر اپڈیٹڈ خبردیتا ہے۔

ٹریکر میں موجود اطلاعات اہم مصدقہ ذرائع سے حاصل کی جارہی ہیں جن میں عالمی ادارہ صحت(ڈبلیو ایچ او) سمیت امریکا کے طب کے اہم مراکز کا تعاون بھی حاصل ہے۔

مذکورہ ٹریکر میں صحت یاب مریضوں کی تعداد بھی موجود ہے۔

fb-share-icon0
Tweet 20

Comments

comments

یہ بھی پڑھیں