کراچی: کروناوائرس کے پیش نظر سول ایوی ایشن اتھارٹی(سی اے اے)نے تمام ایئرپورٹس پر احتیاطی تدابیر مزید سخت کردی ہے۔
تفصیلات کے مطابق ترجمان سی اے اے کا کہنا ہے کراچی اور لاہور ودیگر ایئرپورٹس پر اقدامات مزید سخت کردیے گئے، ایئرپورٹ پر مسافروں کو چھوڑنے اور لینے آنے والوں پر بھی سختی کردی گئی۔
سی اے اے نے شہریوں سے اپیل کی ہے کہ وزیٹرز غیر ضروری طور پر ایئرپورٹ کا رخ نہ کریں، ایک سے زائد ایئرپورٹ آنے والوں کو انٹری پوائنٹس پر ہی روکا جارہا ہے۔
یاد رہے کہ ملک بھر میں کرونا وائرس کے 30 کیسز کی تصدیق ہوچکی ہیں جن میں سے ایک خاتون کی حالت تشویشناک بتائی جارہی ہے۔ اسی ضمن میں حکومت سخت اقدامات اٹھا رہی ہے۔
واضح رہے کہ سندھ حکومت کے ترجمان مرتضیٰ وہاب نے تصدیق کی ہے کہ صوبے میں کرونا سے متاثرہ افراد کی تعداد 14 تک پہنچ گئی جبکہ 2 مریض صحت یاب ہوئے، صوبے میں وائرس کی تشخیص کا ٹیسٹ بالکل مفت کیا جارہا ہے۔
0
20
