ریاض: سعودی انجینیئر نے کڑا نما ایسی ڈیوائس تیار کی ہے جو سماجی فاصلہ برقرار رکھنے میں مدد کرے گی۔
غیرملکی خبررساں ادارے کی رپورٹ کے مطابق عضاب العنزی نامی سعودی انجینیئر نے کورونا کو پھیلنے سے روکنے اور سماجی فاصلے کے لیے ایک کڑا(ڈیوائس) ایجاد کیا ہے۔
یہ ڈیوائس ایک شخص کو دوسرے سے تقریباً 1 میٹر تک فاصلہ برقرار رکھنے میں مدد فراہم کرے گی۔
عضاب العنزی نے سماجی فاصلے کی پابندی سے کڑے کا اصول اخذ کیا، اس ڈیوائس میں یہ خصوصیت ہے وہ کڑا پہننے والے کو خودکار طریقے سے انتباہ جاری کرتا ہے کہ سماجی فاصلہ ایک میٹر سے کم ہورہا ہے۔
انجینیئر کا کہنا ہے کہ یہ کڑا نما ڈیوائس شدید قسم کی ویووز جاری کرتی ہے، جو آواز کی صورت میں کڑا پہننے والے کے کان تک پہنچتی ہے تاکہ وہ فوراً فاصلہ دوبارہ برقرار رکھے۔
سماجی فاصلہ نہ ہونے کی وجہ سے دہشت ناک تنبیہ الارم بجتا ہے جس پر کڑا پہننے والا فاصلہ رکھنے پر مجبور ہوجاتا ہے۔ خیال رہے کہ سعودی انجینیئر العنزی سائبر سیکیورٹی میں ماسٹرز کررہے ہیں جبکہ حائل یونیورسٹی میں مصنوعی ذہانت کے پروگرام سے بھی منسلک ہیں، ان کی اس ایجاد پر دنیا خوب داد دی جارہی ہے۔