The news is by your side.

Advertisement

اقوام متحدہ کے دفتر میں کرونا وائرس کا کیس سامنے آگیا

ویانا : چین کے شہر ووہان سے کورونا وائرس دنیا بھر میں پھیل گیا ہے ، اقوام متحدہ کے دفتر میں کروناوائرس کاکیس سامنےآگیا ، دفتر میں تقریباً 5 ہزار لوگ کام کرتے ہیں۔

تفصیلات کے مطابق جان لیوا وائرس دنیا بھر کیلئے خطرہ بن گیا ، آسٹریاکےدارالحکومت ویانامیں یواین دفترمیں کروناوائرس کاکیس سامنےآگیا ہے ، دفتر میں مختلف ممالک کے تقریباً 5 ہزار لوگ کام کرتے ہیں۔

برازیل، ناروے اور جارجیا میں کرونا وائرس کے پہلے کیسز رپورٹ ہوگئے ہیں ،جبکہ جنوبی کوریا میں مریضوں کی تعداد پندرہ سو سے تجاوز کر گئی جبکہ ایران میں کورونا وائرس سے انتیس افراد جان سے گئے۔

امریکا میں ساٹھ افراد وائرس کا شکار ہیں، اٹلی میں بھی وائرس سے ہلاکتیں بڑھ کر بارہ ہوگئیں ،جبکہ چار سو افراد متاثرہیں، اٹلی کے صدر نے اسٹاف میں وائرس کی تصدیق کے بعد خود کو قرنطنیہ کرلیا ہے۔

مزید پڑھیں : کرونا وائرس سے ہلاکتوں کی تعداد 2804 ہو گئی

یورپ میں ریڈ الرٹ جاری کردیا گیا ہے اور برطانیہ میں بیماری پھیلنے کے خدشات کے باعث 30 سے زائد اسکول بند کردیئے ہیں۔

کویت میں کورونا وائرس سے متاثرہ افراد کی تعداد پچیس اور بحرین میں چھبیس ہوگئی جبکہ عراق نے وائرس کو روکنے کیلئے نو ممالک سے آنے والوں پر پابندی لگادی ہے۔

خیال رہے دو ماہ کے دوران چین میں وائرس 2700 سے زائد افراد ہلاک جبکہ اٹہتر ہزار افراد متاثر ہوئے جبکہ 38ممالک میں کروناوائرس سےمتاثرہ افرادکی تعداد81ہزارہے۔

fb-share-icon0
Tweet 20

Comments

comments

یہ بھی پڑھیں