The news is by your side.

Advertisement

کورونا وائرس کی شکار خاتون کے ہاں جڑواں بچوں کی پیدائش، ایک چل بسا

ٹنڈوالہیار: صوبہ سندھ کے شہر ٹنڈوالہیار میں کورونا وائرس سے متاثرہ خاتون کے ہاں جڑواں بچوں کی پیدائش ہوئی جس میں سے ایک نومولود اسپتال میں ہی دم توڑ گیا۔

تفصیلات کے مطابق کراچی سےتعلق رکھنےوالی خاتون نے نجی اسپتال میں جڑواں بچوں کو جنم دیا، خاتون کا ڈیلیوری سےپہلےکراچی میں کورونا ٹیسٹ ہوا تھا جو مثبت آیا۔

جڑواں بچوں میں سے ایک نومولود اسپتال میں ہی چل بسا جب کہ دوسرے کی حالت بہتر ہے، ڈاکٹرز نے خاتون کی طبیعت کو بھی ٹھیک قرار دیتے ہوئے ماں اور بچے کو اسپتال سے ڈسچارج کر دیا ہے۔

ڈسٹرکٹ ہیلتھ آفیسر کا کہنا ہے کہ خاتون کے بچے اور عملےسمیت13افراد کے کورونا ٹیسٹ کیےگئے، خاتون کی ڈیلیوری کےبعدنجی اسپتال 14 دن کیلئے سیل کر دیا گیا ہے۔

ڈی ایچ او کا کہنا ہے کہ نجی اسپتال کے باہر پولیس و رینجرز کو بھاری تعداد میں تعینات کر دیا گیا ہے اور معاملے کی مزید تحقیقات کی جارہی ہیں۔

Comments

یہ بھی پڑھیں