The news is by your side.

کارپوریٹ سیکٹر نے دارالصحت اسپتال پر عدم اطمینان کا اظہار کردیا

کراچی: شہر قائد میں دارالصحت اسپتال کے طبی عملے کی سنگین غلطیوں کے سبب کارپوریٹ سیکٹر نے اسپتال پر عدم اطمینان کا اظہار کردیا۔

تفصیلات کے مطابق دارالصحت اسپتال کے طبی عملے کی سنگین غلطیوں کے سبب کارپوریٹ سیکٹر نے اسپتال پر عدم اطمینان کا اظہار کیا ہے، ایس ایس جی سی نے اپنے ملازمین کا دارالصحت اسپتال سے علاج روک دیا ہے۔

میڈیکل ڈویژن ایس ایس جی سی کا کہنا ہے کہ دارالصحت کی سنگین شکایات سامنے آرہی ہیں، اسپتال کو جلد پینل سے ہٹا دیا جائے گا، اسپتال کا لائسنس بھی حکومت نے منسوخ کیا ہے۔

سوئی سدرن کے حکام کا کہنا ہے کہ ملازمین ایمرجنسی کی صورت میں بھی دارالصحت اسپتال نہ جائیں۔

نمائندہ اے آر وائی نیوز انور خان کے مطابق ایس ایس جی سی میڈیکل ڈویژن نے ملازمین کو ای میل کے ذریعے آگاہ کردیا ہے، دیگر اداروں نے بھی دارالصحت اسپتال سے پینل ختم کرنے پر غور شروع کردیا ہے۔

مزید پڑھیں: نشوا کے مظلوم باپ پر صلح کے لیے دباؤ ڈالے جانے کا انکشاف

خیال رہے کہ 9 ماہ کی بچی نشوہ کی حالت انتہائی تشویشناک ہے، لیاقت نیشنل کے ڈاکٹروں نے دعاکا کہہ دیا ہے.

واضح رہے کہ مجرمانہ غفلت پر غلطی کے اعتراف کے باوجود دارالصحت اسپتال کے خلاف کوئی کارروائی نہ ہو سکی، 9 ماہ کی نشوا بدستور لیاقت نیشنل اسپتال کے آئی سی یو میں زیر علاج ہے۔

محکمہ صحت کی قائم کردہ کمیٹی نے اپنی رپورٹ وزیر اعلیٰ کو ارسال کر دی ہے، جس میں کہا گیا کہ واقعہ انتہائی غفلت کی وجہ سے پیش آیا۔

Comments

یہ بھی پڑھیں