کراچی: صوبہ سندھ کے گورنرمحمد زبیر سےکور کمانڈر کراچی لیفٹیننٹ جنرل شاہد بیگ مرزا نے ملاقات کی ہے۔
تفصیلات کےمطابق گورنر سندھ محمد زبیر سےکور کمانڈر کراچی لیفٹیننٹ جنرل شاہد بیگ مرزا نےگورنرہاؤس میں ملاقات کی،جس میں امن وامان ،کراچی آپریشن اوردیگرامور پر تبادلہ خیال کیاگیا۔
اس موقع پرگورنرسندھ محمد زبیراور کورکمانڈر کراچی نےشہرقائد میں آپریشن کو منطقی انجام تک جاری رکھنے کےعزم کا اظہار کیا۔
گورنز سندھ محمد زبیر کا کہناتھاکہ رینجرزاوردیگرسیکیورٹی اداروں نےبےشمارقربانیاں دیں،انہوں نےکہاکہ کراچی میں امن کےلیےسب کومل کرکام کرناہوگا۔
مزید پڑھیں:کراچی آپریشن سے پورے صوبے میں امن قائم ہوا،محمد زبیر
یاد رہےکہ دوروزقبل گورنرسندھ محمد زبیر عمر نے کہاتھا کہ کراچی آپریشن سے شہر قائد سمیت پورے صوبے میں امن قائم ہوا ہے،کراچی بیرونی سرمایہ کاری کےلیےموزوں شہربن چکاہے۔
واضح رہےکہ گزشتہ ہفتے صوبہ سندھ کےگورنر محمد زبیر عمر نے کہاتھا کہ ایسے عناصر کو برداشت نہیں کیا جائےگا جو کراچی کا ماحول خراب کرنا چاہتے ہیں اور ان کے خلاف بلاامتیاز کارروائی کی جائے گی۔
