راولپنڈی: آرمی چیف جنرل قمر جاوید باجوہ کی زیر صدارت کور کمانڈرز کانفرنس ہوئی جس میں علاقائی و داخلی سیکیورٹی کی صورتحال پر تبادلہ خیال کیا گیا۔
پاک فوج کے شعبہ تعلقات عامہ آئی ایس پی آر کے مطابق آرمی چیف جنرل قمر جاوید باجوہ کی زیر صدارت کور کمانڈرز کانفرنس منعقد ہوئی۔
کانفرنس میں علاقائی و داخلی سیکیورٹی کی صورتحال پر تفصیلی تبادلہ خیال کیا گیا۔
اس موقع پر آرمی چیف جنرل قمر جاوید باجوہ نے ہدایت کی کہ دہشت گردی کے خلاف کامیابیوں کو مزید تقویت دی جائے۔
آئی ایس پی آر کے مطابق کانفرنس میں الیکشن کمیشن کی مدد پر آرمی الیکشن سپورٹ سینٹر کو سراہا گیا جبکہ الیکشن کمیشن کی مدد پر فیلڈ فارمیشنز کو بھی سراہا گیا۔
اس دوران انتخابی عمل کے دوران شہید اور زخمی ہونے والوں کو بھی خراج تحسین پیش کیا گیا۔ آرمی چیف نے انتخابی عمل میں معاونت پر پاک فوج کے کردار کی تعریف بھی کی۔
آئی ایس پی آر کے مطابق کانفرنس میں افغانستان سے عسکری تعلقات پر اظہار اطمینان بھی کیا گیا۔
CCC. Forum appreciated Army Elections Sp Cen & field formations for assisting ECP for conduct of Elections. Paid tribute to martyrs & injured who sacrificed their blood during the process. Thanked brave people of Pakistan for their participation and support for the Armed Forces. pic.twitter.com/S16jutrTxw
— Maj Gen Asif Ghafoor (@OfficialDGISPR) August 1, 2018
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
