کراچی: وفاقی وزیربرائے آبی وسائل فیصل واوڈا نے کہا ہے کہ بجٹ سے گرفتاریوں کا کوئی تعلق نہیں، کرپشن میں ملوث لوگ گرفتار ہورہے ہیں۔
تفصیلات کے مطابق اے آر وائی نیوز کے پروگرام سوال یہ ہے میں گفتگو کرتے ہوئے رہنما پی ٹی آئی فیصل واوڈا کا کہنا تھا کہ تمام مقدمات ن لیگ دور میں بنے تھے، ادارے آزاد ہیں ہم کہیں مداخلت نہیں کررہے۔
انہوں نے کہا کہ نیب چیئرمین پی ٹی آئی نہیں ن لیگ اور پی پی نے مل کر لگایا تھا، آصف زرداری کے خلاف کیس 2015 میں بنا تھا، نیب کیس اور انکوائری میں فرق ہوتا ہے۔
فیصل واوڈا کا کہنا تھا کہ نواز دور میں شیخ رشید اور جمشیددستی کے پروڈکشن آرڈر جاری نہیں ہوتے تھے، ن لیگ اور پی پی اپنی کرپشن بچانے کیلئے یہ سب کچھ کررہے ہیں۔
کمیشن کا کام شروع نہیں ہوا ان کی پریشانی عوام دیکھ لیں، فیصل واوڈا
ان کا کہنا تھا کہ شریف خاندان کا خاندان بیل یا ملک سے بھاگا ہوا ہے، حکومت کو قرضہ ورثے میں ملا، قوم کیلئے مشکل فیصلے لے رہے ہیں، ہم نے جو قرضہ لیا وہ صرف سود کی ادائیگی کیلئے لینا پڑ رہا ہے۔
رہنما پی ٹی آئی کا مزید کہنا تھا کہ عزت دیں گے تو عزت ملے گی بدمعاشی کرینگے تو بدمعاشی کرینگے، 2008سے2018 تک کون سا ایسا کام کیا ہوا جو ملک کی تقدیر بدل گئی؟
