کراچی: کاٹن جنرز نے ہڑتال ایک ماہ کے لیے مؤخر کرنے کا اعلان کر دیا ہے۔
تفصیلات کے مطابق کاٹن جنرز نے کپاس کی خریداری اور روئی کی فروخت بحال کر دی، ایک ہفتے سے جننگ فیکٹریوں میں جاری ہڑتال بھی ختم کر دی گئی۔
چیئرمین کاٹن جنرز فورم احسان الحق کے مطابق کاشت کار تنظیموں کے پر زور اصرار پر کاشت کاروں کو معاشی بحران سے بچانے کے لیے یہ فیصلہ کیا گیا ہے۔
- Advertisement -
ایک ہفتہ قبل ٹیکسوں اور بجلی کے فکسڈ چارجز میں اضافے کے خلاف کاٹن جنرز نے کپاس کی خریداری اور روئی کی فروخت نہ کرنے کا فیصلہ کیا تھا۔
