کراچی: روئی کی قیمت میں زبردست تیزی کا رجحان پیدا ہوا ہے، جب کہ نئے کاٹن جننگ سیزن کا بھی آغاز ہو گیا۔
تفصیلات کے مطابق پاکستان میں کپاس کی نئی فصل کی چنائی اور نئے کاٹن جننگ سیزن کا آغاز ہو گیا، ملک کے مختلف شہروں میں 7 جننگ فیکٹریاں فعال ہیں، کپاس کی نئی فصل سے تیار نئی روئی کی پیداوار بھی شروع ہو گئی ہے۔
روئی اور پھٹی کی قیمتوں میں زبردست تیزی کا رجحان دیکھا جا رہا ہے، روئی کی قیمتیں ریکارڈ ایک ہزار 500 روپے اضافے کے ساتھ 22 ہزار روپے فی من تک پہنچ گئی ہیں۔
- Advertisement -
چیئرمین کاٹن جنرز فورم احسان الحق کے مطابق پھٹی کی قیمت ایک ہزار روپے اضافے کے ساتھ دس ہزار 600 روپے فی 40 کلو گرام تک پہنچ گئی ہے۔
