لاہور: ہائیکورٹ نے فاسٹ بولر محمد عامر کے خلاف دائر درخواست خارج کردی، اس طرح نوجوان فاسٹ بالر کی واپسی کی راہ میں حائل تمام رکاوٹیں دور ہوگئیں۔
محمد عامر کی راہ میں ایک اور رکاوٹ ہٹ گئی، محمد عامر پاکستان کرکٹ ٹیم کے لئے کھیل سکتے ہیں، لاہور ہائیکورٹ نے فاسٹ بولر کے حق میں فیصلہ دے دیا۔
لاہور ہائیکورٹ میں درخواست گزار نے عامر کو ٹیم میں شامل نہ کرنے کے لئے درخواست جمع کرائی تھی جسے پہلی ہی پیشی میں عدالت نے خارج کردیا، پی سی بی نے موقف اختیار کیا تھا کہ عامر اپنی سزا مکمل کرچکے ہیں درخواست خارج کی جائے۔
شائقین کرکٹ کا کہنا ہے کہ عامر میں بہت ٹیلنٹ ہے ان کی شمولیت سے ٹیم کو فائدہ ہوگا، دورہ نیوزی لینڈ کے لئے لاہور میں جاری ٹریننگ کیمپ میں محمد عامر بھی شامل ہیں، عامر دیگر کھلاڑیوں کے ساتھ مختلف سیشنز میں بھرپور پریکٹس کررہے ہیں۔
