کراچی : شوہر کو ٹکڑوں میں کاٹ کر قتل کرنے کے کیس میں تفتیشی افسر نے عدالت کو بتایا وقوعہ کے وقت مقتول کی دو بیٹیاں وہاں پر موجود تھیں،تینوں کی تلاش جاری ہے۔
تفصیلات کے مطابق کراچی کی مقامی عدالت میں شوہر کو ٹکڑوں میں کاٹ کر قتل کرنے کے کیس کی سماعت ہوئی ، جسمانی ریمانڈ مکمل ہونے پر پولیس نے ملزمہ کو عدالت میں پیش کیا۔
تفتیشی افسر نے ملزمہ اور مقتول کا نکاح نامہ بھی پیش کیا، سرکاری وکیل عبدالرحمن تھہیم نے بتایا کیس میں 3عینی شاہد ہیں، تینوں ہی مقتول کی بیٹیاں ہیں۔
پراسیکوٹر عبدالرحمن تھہیم کا کہنا تھا کہ مقتول کی ملزمہ سے ایک بیٹی ہے، ملزمہ اورمقتول کا2013 میں نکاح ہواتھا، وقوعہ کے وقت مقتول کی دو بیٹیاں وہاں پر موجود تھیں، ملزمہ کی بڑی بیٹی جائے وقوعہ پر پہنچ کر دونوں بہنوں کو لیکر چلی گئی۔
تفتیشی افسر کا کہنا تھا کہ تینوں کی تلاش جاری ہے، ملزمہ کےوالد،بھائی کابیان ریکارڈکر لیا، ملزمہ آئس کا نشہ کرتی ہے، مزید تفتیش جاری ہے،تفتیشی افسر
جوڈیشل مجسٹریٹ نے ملزمہ کے جسمانی ریمانڈ میں 2روز تک توسیع کردی۔
