The news is by your side.

Advertisement

آصف زرداری اور فریال تالپور کے جوڈیشل ریمانڈ میں 17 دسمبر تک توسیع

اسلام آباد: احتساب عدالت نے سابق صدر آصف علی زرداری اور ان کی ہمشیرہ فریال تالپور کے جوڈیشل ریمانڈ میں 17 دسمبر تک توسیع کردی۔

تفصیلات کے مطابق احتساب عدالت کے جج اعظم خان نے جعلی اکاؤنٹس، میگامنی لانڈرنگ اور پارک لین ریفرنس پر سماعت کی۔ سابق صدر آصف علی زرداری عدالت میں پیش نہ ہوئے جبکہ فریال تالپور کو عدالت میں پیش کیا گیا۔

پراسیکیوٹر نے سماعت کے دوران دلائل دیتے ہوئے کہا کہ ہم نے ضمنی ریفرنس دائر کر دیا ہے، ریفرنس اسکروٹنی کے مرحلے میں ہے، ریفرنس کے 65 والیم ہیں، ملزمان کی تعداد وہی ہے، مزید شواہد شامل کیے گئے ہیں۔

احتساب عدالت نے ملزمان کو ضمنی ریفرنس کی نقول فراہم کرنے کا حکم دیتے ہوئے کہا کہ 17 دسمبر سے پہلے ملزمان کو نقول کی فراہمی یقینی بنائی جائے۔

بعدازاں عدالت نے آصف علی زرداری اور فریال تالپور کے جوڈیشل ریمانڈ میں 17 دسمبر تک توسیع کرتے ہوئے ملزمان کو ضمنی ریفرنس کی نقول فراہم کرنے کا حکم دے دیا۔

جعلی اکاؤنٹس اسکینڈل ، آصف زرداری اور فریال تالپور کی مشکلات میں اضافہ

یاد رہے کہ گزشتہ روز قومی احتساب بیورو ( نیب) نے سابق صدر آصف زرداری اوران کی بہن فریال تالپور کے خلاف عبوری ریفرنس دائرکر دیا تھا۔

fb-share-icon0
Tweet 20

Comments

comments

یہ بھی پڑھیں