کراچی : سندھ ہائیکورٹ نے ڈاکٹرعامرلیاقت مرحوم کی نازیبا ویڈیوزوائرل کرنے کے کیس میں دانیہ شاہ کی ضمانت منظور کرتے ہوئے رہا کرنے کا حکم دے دیا۔
تفصیلات کے مطابق سندھ ہائیکورٹ میں ڈاکٹر عامر لیاقت مرحوم کی نازیبا ویڈیوزوائرل کرنے کے کیس میں دانیہ شاہ کی درخواست ضمانت پر سماعت ہوئی۔
عدالت نے دانیہ کی ضمانت منظور کرتے ہوئے جیل سے رہا کرنے کا حکم دے دیا اور دانیہ کی ضمانت 2 لاکھ روپے کے مچلکے کے عوض منظور کی گئی۔
- Advertisement -
یاد رہے گذشتہ ہفتے سندھ ہائی کورٹ نے سابق ایم این اے عامر لیاقت کی نازیبا ویڈیوز کیس میں دانیہ شاہ کی گرفتاری کے خلاف درخواست مسترد کی تھی۔
عدالت نے کہا تھا کہ ملزمہ کے خلاف کیس کا چالان جمع ہو چکا ہے مداخلت کا کیس نہیں بنتا ہے۔
خیال رہے دانیہ شاہ کو دسمبر 2022 میں ایف آئی اے نے گرفتار کیا تھا، وہ عدالتی ریمانڈ پر جیل میں ہیں۔
