The news is by your side.

وزیر خزانہ اسحاق ڈار کو بڑا ریلیف مل گیا

اسلام آباد: احتساب عدالت نے آمدن سے زائداثاثہ جات ریفرنس میں وزیر خزانہ اسحاق ڈار کی حاضری سے مستقل استثنیٰ کی درخواست منظور کرلی۔

تفصیلات کے مطابق احتساب عدالت میں وزیر خزانہ اسحاق ڈار کیخلاف آمدن سے زائداثاثہ جات ریفرنس کی سماعت ہوئی۔

اسحاق ڈار احتساب عدالت میں پیش ہوئے ، ڈاکٹرطارق فضل چوہدری بھی اسحاق ڈارکےہمراہ عدالت پہنچے۔

اسحاق ڈار کی جانب سے تین درخواستیں دائرکی گئیں ، پہلی درخواست حاضری سے مستقل استثنیٰ کی دائر کی گئی ، دوسری درخواست اثاثہ جات کی ڈی اٹیچمنٹ،تیسری بریت سے متعلق تھی۔

عدالت نے اسحاق ڈار کی حاضری سے مستقل استثنیٰ کی درخواست منظور کرتے ہوئے اثاثوں کی ڈی اٹیچمنٹ اور بریت درخواستوں سے متعلق آئندہ سماعت پرجواب طلب کرلیا۔

بعد ازاں احتساب عدالت میں سماعت 16نومبر تک ملتوی کردی۔

Comments

یہ بھی پڑھیں