کراچی : سیشن کورٹ میں کراچی میں ہیٹ اسٹروک سے 500 سے600 ہلاکتوں کا انکشاف سامنے آیا ، جس پر عدالت نے کے الیکٹرک سمیت دیگر کو نوٹس جاری کردیا۔
تفصیلات کے مطابق سیشن کورٹ میں ہیٹ ویو میں ہلاکتوں کا مقدمہ کے الیکٹرک کیخلاف درج کرنے کی درخواست دائر کردی گئی۔
درخواست گزار نے انکشاف کیا کہ کراچی میں گزشتہ ماہ ہیٹ اسٹروک سے500سے600ہلاکتیں ہوئیں،کے الیکٹرک نے جان بوجھ کر 10 سے 16 گھنٹےکی لوڈشیڈنگ کی۔
درخواست میں کہا گیا کہ پولیس کےالیکٹرک کیخلاف مقدمہ درج کرنےسےانکاری ہے ، استدعا ہے کہ ایس ایچ اوپریڈی کو بیان ریکارڈ کرکے مقدمہ درج کرنے کا حکم دیں۔
سندھ ہائی کورٹ نے درخواست پر سماعت کرتے ہوئے ایس ایس پی کمپلینٹ سیل جنوبی ،ایس ایچ اوپریڈی اور کے الیکٹرک کونوٹس جاری کردیا۔
سیشن کورٹ نے نوٹس جاری کرتےہوئے 30 جولائی کو جواب طلب کرلیا ہے۔
