کراچی : جوڈیشل مجسٹریٹ شرقی نے مہران ٹاون فیکٹری آتشزدگی کیس میں ڈی سی کورنگی اور جنرل منیجر کے الیکٹرک کو مقدمے میں نامزد کرنے کا حکم دے دیا۔
تفصیلات کے مطابق کراچی کی جوڈیشل مجسٹریٹ شرقی میں مہران ٹاون فیکٹری آتشزدگی کیس کی سماعت ہوئی ، سماعت میں ڈی سی کورنگی اور جنرل منیجر کے الیکٹرک کو مقدمے میں نامزد کرنے کا حکم دے دیا۔
عدالت نے ڈی سی ، جنرل منیجرکے الیکٹرک ودیگرکےناقابل ضمانت وارنٹ گرفتاری جاری کردیئے، دیگرافسران میں کےڈی اےایکزیکٹیوانجینئر،ڈائریکٹر سول ڈیفنس اتھارٹی شامل ہیں۔
عدالت نے ڈپٹی ڈائریکٹرسیپا ، انچارج فائربریگیڈکورنگی، ایڈمنسٹریٹرکورنگی کوبھی کیس میں شامل کرنےکاحکم دیتے ہوئے کہا افسران نےاپنی قانونی ذمہ داری ادانہیں کی ، غفلت کا مظاہرہ کیا۔
عدالت نے پولیس کیجانب سے جمع کرائے گئے چالان کا تحریری حکم نامہ بھی جاری کیا ، جس میں کہا گیا کہ ملزمان کوچارج شیٹ میں شامل کیا جائے ۔
عدالت نے تفتیشی افسر سے3دن میں ضمنی چالان پیش کرنے اور تفتیشی افسرکومزیدتفتیش جاری رکھنےکاحکم دیتے ہوئے کہا تفتیشی حکام ڈپٹی کمشنر اور دیگرکوبچاناچاہتےہیں ،عدالت کی آبزرویشن
جرم میں بالواسط ذمہ داروں کوبری الزمہ قرارنہیں دیاجاسکتاہے، جرم کوروکنےوالےذمہ داران کی ناکامی شریک جرم میں شامل ہوتی ہے۔
