کراچی : سندھ ہائی کورٹ نے سندھ پولیس کو پی ٹی آئی رہنما شہباز گل کی گرفتاری سے روک دیا اور کراچی میں مقدمات کی تفصیلات طلب کرلی۔
تفصیلات کے مطابق سندھ ہائی کورٹ میں متنازع بیان سے متعلق کیس میں پی ٹی آئی رہنما شہباز گل کی گرفتاری سے روکنے کیلئے درخواست پر سماعت پوئی۔
سابق اٹارنی جنرل انورمنصورخان،مصطفی لاکھانی اور ظہورخان ایڈووکیٹ عدالت میں پیش ہوئے، وکلا نے کہا کہ درخواست پر حتمی فیصلہ نہیں ہوجاتا، پولیس کو شہباز گل کو گرفتار کرنے سے روکا جائے۔
شہباز گل کا کہنا تھا کہ میرے خلاف تھانہ سرجانی ٹاؤن، بریگیڈ اور رضویہ میں مقدمات درج کیے گئے ہیں،بیان سے متعلق مقدمات لاہور کے تھانہ مانگا منڈی میں درج ہوچکا ہے۔
پی ٹی آئی رہنما نے استدعا کی کہ کراچی میں درج مقدمات کو کالعدم قرار دیا جائے، جس پر سندھ ہائی کورٹ نے شہباز گل کی درخواست کی فوری سماعت کی استدعا منظور کرلی۔
عدالت نے سندھ پولیس کو پی ٹی آئی رہنما شہباز گل کی گرفتاری سے روک دیا اور ساتھ ہی پولیس، پراسیکیوشن سے شہباز گل کےخلاف کراچی میں مقدمات کی تفصیلات طلب کرلی۔
