تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پاکستان میں کورونا مثبت کیسز کی شرح بڑھنے لگی

اسلام آباد : پاکستان میں ایک بار پھر کورونا کیسز میں اضافہ ریکارڈ کیا گیا اور مثبت کیسز کی شرح 3.65 فیصد تک پہنچ گئی۔

تفصیلات کے مطابق نیشنل کمانڈ اینڈ آپریشن سینٹر نے کورونا کےاعداد و شمار جاری کردیئے ، جس میں بتایا گیا کہ 24 گھنٹے میں ملک میں کورونا کے مزید 25 مریض انتقال کرگئے ، جس کے بعد کورونا سے مجموعی اموات 22ہزار 518 تک جاپہنچی۔

این سی او سی کا کہنا ہے کہ 24گھنٹے میں کورونا کے 50ہزار531 ٹیسٹ کیے گئے ،جس میں سے ایک ہزار733 افراد میں کورونا کی تصدیق ہوئی ، اس دوران مثبت کیسز کی شرح بڑھ کر 3.65 فیصد ہوگئی۔

نیشنل کمانڈ اینڈ آپریشن سینٹر نے بتایا کہ ملک میں کورونا سے متاثرہ افراد کی تعداد 9 لاکھ 69 ہزار370 ہو گئی اورایکٹو کیسز کی تعداد 35 ہزار573 ہے جبکہ 9 لاکھ 11 ہزار383 افراد کورونا سے صحت یاب ہوچکے ہیں۔

اعدادو شمار کے مطابق سندھ میں کورونا کیسز کی تعداد 3 لاکھ 44 ہزار223،  پنجاب میں 3 لاکھ 47 ہزار 553، خیبرپختونخوا میں ایک لاکھ 39 ہزار08  اور بلوچستان میں 27 ہزار 781ہوگئی ہے جبکہ آزاد کشمیر 20 ہزار 811 اور گلگت بلتستان میں 6 ہزار 700 افراد کورونا سے متاثر ہوچکے ہیں۔

خیال رہے این سی اوسی نے کورونا کیسز میں اضافے پرتشویش کا اظہار کرتے ہوئے عید کے سلسلے میں جاری ایس او پیز پر خصوصی عملدرآمد کے احکامات جاری کئے تھے۔

Comments

- Advertisement -