The news is by your side.

Advertisement

کورونا الاؤنس نہ ملنے پر طبی عملے کی ہڑتال، کورونا ویکسی نیشن مہم متاثر ہونے کا خدشہ

اسلام آباد : وفاقی محکمہ صحت ملازمین کی ہڑتال کے باعث وفاقی دارالحکومت میں کوروناویکسی نیشن مہم متاثرہونے کا خدشہ پیدا ہوگیا۔

تفصیلات کے وفاقی دارالحکومت میں کوروناویکسی نیشن مہم متاثرہونے کا خدشہ پیدا ہوگیا ہے ، ضلعی محکمہ صحت کے ملازمین نے آج سےہڑتال کا اعلان کردیا۔

ضلعی محکمہ صحت ملازمین نے آج ویکسی نیشن سینٹرزبند رکھنے کا اعلان کرتے ہوئے کہا ہے کہ وفاقی دارالحکومت کے تمام ویکسی نیشن سینٹرزبندرہیں گے اور ضلعی محکمہ صحت کے تمام ملازمین آج احتجاجاً ہڑتال کریں گے۔

وفاقی ضلعی ملازمین کا کہنا تھا کہ ڈاکٹرز، ایل ایچ وی، ایل ایچ ڈبلیوز، سپروائزر اور نرسزکام نہیں کریں گے ، حکومت اسپتالوں کے ملازمین کو کورونا الاؤنس دے رہی ہے، کوروناالاؤنس کے بارےمیں ضلعی محکمہ صحت ملازمین کو نظرانداز کیا گیا۔

احتجاجی ملازمین نے مزید کہا کہ وزارت قومی صحت کوروناالاؤنس دینےسےانکاری ہے اور مطالبہ کیا کہ جولائی 2020 سے جولائی2021تک کورونا الاؤنس دیا جائے۔

احتجاجی ملازمین ایف نائن ماس ویکسی نیشن سینٹرپراحتجاج کریں گے، وفاقی محکمہ صحت ملازمین نے مطالبہ کیا ہے کہ کنٹریکٹ ملازمین کومستقل،سروس اسٹرکچردیاجائے۔

ڈی ایچ اواسلام آباد نے ضلعی محکمہ صحت ملازمین سے ہڑتال نہ کرنےکی اپیل کرتے ہوئے کہا ہے کہ کورونا کیخلاف ضلعی محکمہ صحت کاکردارلائق تحسین ہے، ہڑتال سےکوروناویکسی نیشن مہم کوناقابل تلافی نقصان ہوگا۔

ڈی ایچ اواسلام آباد کا کہنا تھا کہ ملازمین کےمطالبات وزارت قومی صحت کوپہنچادیئےہیں، حکومت ضلعی محکمہ صحت ملازمین کےجائزمطالبات تسلیم کرےگی۔

خیال رہے وفاقی اسپتالوں کےملازمین2روزسےہڑتال پرہیں اور اوپی ڈیز،ویکسی نیشن سینٹرز بھی 2 دن سے بند ہیں۔

Comments

یہ بھی پڑھیں