The news is by your side.

Advertisement

ایس اوپیز پر عملدرآمد کی تیاریاں: شادی ہالز اور بینکویٹس کی چھتیں اتارنے کاکام شروع

کراچی : شہر قائد میں ایس اوپیز کہ تحت شادی ہالز اور بینکویٹس کی چھتیں اتارنے کاکام شروع کردیا گیا ہے، انتظامیہ نے 25 فیصد ایریا کھلا رکھنے کی شرط عائد کی ہے۔

تفصیلات کے مطابق کراچی میں شادی ہالز اور بینکوئٹس میں ایس اوپیز پر عملدرآمد کی تیاریوں کا آغاز کردیا گیا ، شادی ہال اوربینکویٹس کی چھتیں اوروائرنگ اتارنا شروع کردیے ہیں۔

انتظامیہ نے 25 فیصد ایریا کھلا رکھنے کی شرط عائد کی ہے جبکہ شادی ہالز، بینکوئٹس میں ایئرکنڈیشنزبند رکھے جائیں گے، ایس اوپیز کے مطابق ڈھالنے کے باعث متعدد بینکوئٹس بند ہیں۔

انتظامیہ اورشادی ہالزمالکان میں اتفاق کیا گیا ہے کہ انسانی صحت پرسمجھوتہ نہیں کیاجائے گا۔

یاد رہے گذشتہ روز کمشنرکراچی افتخارشالوانی کی سربراہی میں شادی ہال مالکان کا اجلاس ہوا تھا، جس میں کراچی میں تمام شادی ہالزمیں تقریبات کرنے کی مشروط اجازت دی گئی تھی۔

اجلاس میں شادی ہالزکیلئے نئی گائیڈلائن جاری کرتے ہوئے ایس اوپیزپرسختی سے عمل کی ہدایت کی تھی ، کمشنرکراچی کا کہنا تھا کہ 300سےزائدمہمانوں کےہال میں داخلےپرپابندی ہوگی ، بینکوئٹس میں اےسی بندپنکھےچلائےجائیں گے۔

افتخارشالوانی نے کہا تھا کہ ہال کی چھت کا 40 فیصدحصہ اوپن رکھا جائے اور تمام کورنگ حصے کوکھول دیاجائے، تازہ ہواکےداخلی راستے کھولےجائیں۔

Comments

یہ بھی پڑھیں