اسلام آباد : پاکستان نے ایک کروڑ افراد کی ویکسینیشن کا سنگ میل عبور کرلیا ، اسد عمر کا کہنا ہے کہ دسمبرتک 7کروڑ افراد جو ویکسین لگانے کا ہدف ہے۔
تفصیلات کے مطابق پاکستان نے ایک کروڑ لوگوں کو ویکسین لگانے کا ہدف مکمل کرلیا ، ایک کروڑویکسی نیشن کاعمل مکمل ہونے پر نیشنل کمانڈ اینڈ آپریشن سینٹر میں تقریب کا انعقاد کیا گیا۔
این سی او سی کے سربراہ اسد عمر نے خطاب کرتے ہوئے کہا کہ دسمبرتک 7کروڑ افراد جو ویکسین لگانے کا ہدف ہے، روزانہ تقریبا ساڑھے 3 لاکھ افراد رجسٹریشن کر رہے ہیں۔
اسد عمر کا کہنا تھا کہ پابندیوں کی وجہ سے کورونا کے اثرات کم ہوئے، عوام سے اپیل ہے کہ پاکستانی ویکسین مہم میں بڑھ چڑھ کر حصہ لیں، کورونا ختم کرنے کے ساتھ ساتھ لوگوں کا روزگار بچانا ہے۔
انھوں نے مزید کہا کہ عوام نے کورونا کے خلاف جنگ میں بھرپورتعاون کیا ، لوگوں نے محنت کی اور عوام نے کورونا کے خلاف جنگ میں بھرپورتعاون کیا، ہمیں ویکسی نیشن کے عمل کو مزیدتیز کرنےکی ضرورت ہے۔
