اسلام آباد: وزیر اعظم عمران خان کے معاون خصوصی برائے صحت ڈاکٹر فیصل سلطان نے کہا ہے کہ ملک میں کرونا ویکسین کی ایک ملین ڈوز کا ذخیرہ دستیاب ہے۔
تفصیلات کے مطابق فیصل سلطان نے ایک ٹوئٹ میں کہا ہے کہ ملک میں کرونا ویکسین کی 10 لاکھ ڈوز موجود ہیں، جب کہ ملک بھر میں اب تک ویکسین کی 12.9 ملین (1 کروڑ 29 لاکھ) ڈوز لگائی جا چکی ہیں۔
فیصل سلطان نے کہا 18 جون کو ملک بھر میں 226000 ڈوز لگائی گئی تھیں، 17 جون کو ملک بھر میں 266000 ڈوز لگائی گئیں، جب کہ 16 جون کو ملک بھ رمیں 416000 ویکسین ڈوز لگائی گئی تھیں۔
خیال رہے کہ ملک میں کرونا ویکسین کی قلت پیدا ہوگئی ہے، اس حوالے سے فیصل سلطان نے آج ٹوئٹ میں کہا ہے کہ ملک میں دس لاکھ ڈوز موجود ہیں، جب کہ 23 تا 30 جون ویکسین کی بڑی مقدار پاکستان پہنچے گی۔
Available doses countrywide over 1 million
Anticipated June arrivals:-
20th 1.55 million
22nd 2.5 million
23 to 30th 2-3 million + 400,000 Pakvac (Cansino)Therefore any pressure in the system & local/distribution issues will be eased by Mon/Tue, inshallah
— Faisal Sultan (@fslsltn) June 19, 2021
انھوں نے لکھا ’23 تا 30 جون کرونا ویکسینز کی 2 تا 3 ملین ڈوز لائی جائیں گی، جب کہ کین سائنو کی 4 لاکھ ڈوز پہنچائی جائیں گی۔‘
فیصل سلطان نے خوش خبری دی ہے کہ ملک میں کرونا ویکسین کی ترسیل پر دباؤ آئندہ 3 روز میں کم ہو جائے گا۔