The news is by your side.

Advertisement

کرونا وائرس، 8 ویکسین کلینیکل ٹرائل کے لیے منظور

واشنگٹن: عالمی ادارہ صحت (ڈبلیو ایچ او) کے سربراہ ڈاکٹر ٹیڈروس کا کہنا ہے کہ کرونا وائرس کے علاج کے لیے 8 ویکسین کو کلینیکل ٹرائل کے لیے منظور کرلیا گیا ہے۔

غیرملکی خبررساں ادارے کی رپورٹ کے مطابق ڈبلیو ایچ او کے سربراہ ڈاکٹر ٹیڈروس نے کہا ہے کہ دنیا بھر میں کرونا وائرس کی 102 ممکنہ ویکسین پر کام ہورہا ہے، 8 ویکسین کو کلینیکل ٹرائل کے لیے منظور کرلیا گیا ہے۔

ڈاکٹر ٹیڈروس نے کہا کہ انسانوں کے کلینیکل ٹرائل کے لیے چین، انگلینڈ، یورپ اور امریکی گروپ کی ویکسین منظور کی گئی ہیں۔

ڈبلیو ایچ او کے سربراہ کا کہنا تھا کہ ہمارا انتخاب کرونا کیخلاف عالمی سطح پر اتحاد ہونا چاہئے اور نسل انسانی کو کرونا کو شکست دینے لیے ساتھ کھڑا ہونا ہوگا۔

مزید پڑھیں: کرونا وائرس کی تباہی کسی دہشت گرد حملے سے زیادہ ہے، ڈبلیو ایچ او

واضح رہے کہ دو روز قبل عالمی ادارہ صحت نے کرونا وائرس کی وبا کے جاری رہنے سے متعلق انتباہی پیغام میں کہا تھا کہ کرونا ابھی ختم نہیں ہوا، ادارے کے مشوروں کو اہمیت دینا چاہیے، یہ ادارہ سائنس اور ثبوت کی بنیاد پر بات کرتا ہے، کرونا وبا کا خاتمہ ابھی دور ہے، اس لیے تمام ممالک اپنی ذمہ داری کا احساس کریں۔

یاد رہے ڈاکٹر ٹیڈروس نے کہا تھا کہ کرونا کو لے کر غلطی کی کوئی گنجائش نہیں ہے، سفر بہت طویل ہے، کرونا وائرس طویل عرصے تک ہمارے ساتھ رہ سکتا ہے، بیشتر ممالک اب بھی کرونا کے ابتدائی مرحلے میں ہیں، یورپ اور مغربی دنیا زیادہ متاثر ہورہی ہے، لوگ اپنی زندگی معمول پر لانا چاہتے ہیں جس کے لیے ہم کام کررہے ہیں۔

fb-share-icon0
Tweet 20

Comments

comments

یہ بھی پڑھیں