دنیا بھر میں تباہی پھیلانے والے مہلک کورونا وائرس کے حوالے سے عالمی ادارہ صحت نے اہم اعلان کر دیا۔
عالمی ادارہ صحت نے کوویڈ 19 سے متعلق ہنگامی صورتحال ختم کرنے کا اعلان کرتے ہوئے کہا ہے کہ کوویڈ19 سے اب عالمی صحت کی ہنگامی صورتحال نہیں لہذا کورونا کی ایمرجنسی پابندیاں اب ختم کردی جائیں۔
ڈبلیو ایچ او کی ایمرجنسی کمیٹی کےکورونا سمیت وبائی امراض پر ہونے والے اجلاس میں کورونا کی ہنگامی صورتحال ختم کرنے کا فیصلہ کیا گیا۔
جمعہ کو یہ اعلان اقوام متحدہ کی صحت کے ادارے کی جانب سے تباہ کن وائرس پر اپنے اعلیٰ ترین سطح کے الرٹ کا اعلان کرنے کے تین سال سے زائد عرصے کے بعد سامنے آیا ہے جس نے لاک ڈاؤن سے معیشتوں کو متاثر کیا اور دنیا بھر میں لاکھوں افراد کو ہلاک کیا۔
ڈبلیو ایچ او نے کہا کہ اگرچہ ہنگامی مرحلہ ختم ہو چکا ہے لیکن مارچ 2020 میں اعلان کردہ وبائی مرض ختم نہیں ہوا، جنوب مشرقی ایشیاء اور مشرق وسطیٰ میں کیسوں میں حالیہ اضافے کو دیکھتے ہوئے ایجنسی نے کہا کہ ہر ہفتے کئی لوگ اب بھی کورونا وائرس سے مر رہے ہیں۔
