The news is by your side.

یو اے ای حکومت کا بڑا اعلان : مسافروں کے لئے اہم خبر آگئی

دبئی : متحدہ عرب امارات کی حکومت نے کورونا پابندیاں ختم کرنے کا اعلان کردیا، ا طلاق آج سے ہوگا۔

تفصیلات کے مطابق اماراتی خبر رساں ایجنسی کی جانب سے کہا گیا ہے کہ امارات کی نیشنل کرائسز اینڈ ڈیزاسٹر منیجمنٹ اتھارٹی نے احتیاطی تدابیر اور پابندیاں ختم کرنے کا اعلان کردیا، جس کا اطلاق آج سے ہوگا۔

اماراتی حکام کا کہنا ہے کہ ماسک کا استعمال ہر جگہ اختیاری ہے لازمی نہیں، پبلک مقامات اور رفاح عامہ کے اداروں میں داخلے کے وقت ’گرین پاس کی شرط ختم کردی گئی ہے۔

انہوں نے کہا کہ ’صحت اداروں اور معذوروں سے متعلقہ مراکز میں ماسک کا استعمال ضروری ہوگا‘۔

کووڈ ویکسین کی پابندی ویکسین سرٹیفکیٹ تک محدود رہے گی جو ملک کے اندر اور باہر ٹیسٹ رپورٹ طلب کرنے پر پیش کی جائے گی.

کھیلوں کی سرگرمیوں کے حوالے سے انہوں نے کہا کہ’ ملکی اور مقامی سطح پر اسپورٹس منتظمین پیشگی ٹیسٹ طلب کرسکتے ہیں اور حسب ضرورت ویکسین سرٹیفکیٹ کی پابندی لگا سکتے ہیں‘۔

امارات کی نیشنل کرائسز اینڈ ڈیزاسٹر منیجمنٹ اتھارٹی کا کہنا تھا کہ کووڈ 19 سے بچاؤ کے حوالے سے پابندیوں میں نرمی کا دوسرا دور شروع کررہے ہیں۔ یہ فیصلہ پورے ملک میں وبائی صورتحال کا جائزہ لینے کے بعد کیا گیا ہے۔

Comments

یہ بھی پڑھیں