کراچی: بھینس کالونی ودیگر علاقوں کے باڑوں میں شدید گرمی کے باعث گائیں دم توڑ گئیں، جس سے دودھ کے بڑے بحران کا اندیشہ ہے۔
تفصیلات کے مطابق کراچی میں گرمی کی شدت سے بے زبان جانور بھی متاثر ہورہے ہیں، بھینس کالونی ودیگر علاقوں کے باڑوں میں گائیں گرمی کے باعث دم توڑ گئیں۔
شدید گرمی کے باعث بڑی تعداد میں گائیں بیماری میں مبتلا ہے، ڈیری فارم ایسوسی ایشن کا کہنا ہے کہ باڑا مالکان کا کروڑوں روپے مالیت کا نقصان ہوا ہے اور دودھ دینے والے جانوروں کی زندگی خطرہ میں ہے۔
باڑا مالکان نے دودھ کا بڑا بحران پیدا ہونے کا اندیشہ ظاہر کرتے ہوئے کہا کہ بھینسوں میں بیماری پھیلی ہے، دودھ کی پیداوار میں کمی آئی ہے اور محکمہ لائیو اسٹاک کوئی مدد کرنے کو تیار نہیں۔
باڑہ مالکان نے سندھ حکومت سےفوری جانوروں کی زندگی بچانے کے اقدامات کرنےکا مطالبہ کرتے ہوئے کہا کہ جانوروں کے اسپتال میں کوئی سہولت موجود نہیں۔
