سی پیک کے اہم ترین پراجیکٹ سکی کناری کے پہلے یونٹ سے بجلی کی پیداوار شروع ہونے سے بجلی صارفین کو بھاری بلوں سے نجات ملنے کی امید ہے۔
تفصیلات کے مطابق سی پیک کے اہم ترین سکی کناری ہائیڈرو پاور سٹیشن کے پہلے یونٹ نے بجلی کی پیداوار شروع کر دی۔
چائنا انرجی اوورسیز انویسٹمنٹ کمپنی لمیٹڈ کے چیئرمین ژیونگ فی نے جاری بیان میں کہا ہے کہ منصوبے پر چائنا انرجی اوورسیز انویسٹمنٹ کمپنی نے سرمایہ کاری کی ہے۔
یہ منصوبہ 884 میگاواٹ بجلی کی پیدواری صلاحیت کا حامل ہے، اس پراجیکٹ پر چار امپلس ٹربائن یونٹس لگائی گئی ہے اور ابتدائی طور پر 221 میگا واٹ بجلی کی ٹرانسمیشن لائن سے منسلک کیا گیا ہے۔
مزید پڑھیں : سکھی کناری ہائیڈرو پاور اسٹیشن کی بیک فیڈنگ کی کامیابی سے تکمیل مکمل
چائنا انرجی کا کہنا تھا کہ منصوبہ اپنے آخری مرحلے میں داخل ہو گیا ہے۔ تکمیل کے بعد سالانہ 3.212 بلین کلو واٹ پر آوور تک بجلی پیدا کرے گا۔
یہ منصوبہ پاکستان میں 10 لاکھ سے زیادہ گھرانوں کو سستی بجلی فراہم کرے گا۔
