اسلام آباد: پاک چین اقتصادی راہداری (سی پیک) سیکیورٹی گروپ کا اجلاس عید کے بعد طلب کر لیا گیا، اجلاس میں سی پیک منصوبوں، چینی شہریوں کی سیکیورٹی، کراچی یونیورسٹی دھماکے اور اس کی پیشرفت کا جائزہ لیا جائے گا۔
تفصیلات کے مطابق پاک چین اقتصادی راہداری (سی پیک) سیکیورٹی گروپ کا اجلاس عید کے بعد طلب کر لیا گیا، وفاقی وزیر منصوبہ بندی و ترقی احسن اقبال اجلاس کی صدارت کریں گے۔
اجلاس میں وفاقی وزیر داخلہ رانا ثنا اللہ بھی شرکت کریں گے جبکہ سیکیورٹی اداروں کے سینئر افسران بھی شریک ہوں گے۔
اجلاس میں سی پیک منصوبوں اور چینی شہریوں کی سیکیورٹی کا جائزہ لیا جائے گا جبکہ کراچی یونیورسٹی میں ہونے والے دھماکے اور اس کی پیشرفت کا جائزہ بھی لیا جائے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں