site
stats
پاکستان

دو ہفتوں میں 18 افراد کراچی میں قتل: سی پی ایل سی

کراچی : سی پی ایل سی نے اپنی ماہانہ کارگردگی کی رپورٹ جاری کردی، فائرنگ کے واقعات کی وجہ سے ماہ رواں کے دو ہفتوں میں 18 افراد کی زندگیوں کے چراغ گل ہوگئے.

سی پی ایل سی کی ماہانہ کارگردگی کی رپورٹ کے مندرجات کے مطابق یکم فروری سے 14 فروری تک شہر قائد میں 18 افراد کو فائرنگ کے واقعات کے پیش نظر زندگی کی بازی ہار گئے.

مزید پڑھیں:وزیراعلیٰ سندھ اسٹریٹ کرائم کے خلاف متحرک

ان دو ہفتوں میں بھتہ خوری کے2کیسز رپورٹ ہوئے ، اسٹریٹ کرائمز کا جن گذشتہ ماہ کی طرح اس ماہ میں بھی قابو میں نہیں آیا، 530موبائل فونز چھینے گئے جبکہ 574 موبائل فونز چوری ہوئے ، 80موٹر سائیکلیں چھینی گئیں، جبکہ 812موٹر سائیکلیں چوری ہوئیں، ان ہی دو ہفتوں میں 8 گاڑیاں اسلحے کے زور پر چھینی گئیں، جبکہ 50گاڑیاں چوری ہوئیں۔

مزید پڑھیں:رواں سال جرائم کی شرح میں کمی واقع ہوئی: سی پی ایل سی

یاد رہے کہ گذشتہ ماہ سی پی ایل سی نے اپنی کارگردگی کی رپورٹ پیش کی تھی، جس کے مطابق گزشتہ سال کی نسبت رواں سال جرائم کی شرح میں کمی واقع ہوئی تھی ، رپورٹ کے مندرجات میں درج تھا کہ سال کے پہلے 24 دنوں میں 886 شہری موبائل فون سے محروم ہوئے ہیں جبکہ اسلحے کے زور پر84 موٹرسائیکل سواروں سے ان کی سواری چھینے جانے کے واقعات رونما ہوئے.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top