کراچی میں سٹیزن پولیس لائزن کمیٹی (سی پی ایل سی) اپنی افادیت کیوں کھو رہی ہے؟ 34 سال پہلے قائم ہونے والا یہ ادارہ ایک زمانے تک چوری شدہ گاڑیوں کی برآمدگی میں اہم کردار ادا کر رہا تھا۔ نئے سربراہ کا تعین بھی کئی سال گزرنے کے باوجود نہیں کیا جا سکا۔
کراچی میں 1990 کی دہائی میں قائم ہونے والا ادارہ سی پی ایل سی ایک زمانے تک اسٹریٹ کرائمز کے متاثرین کو ان کی چھینی گئی/چوری شدہ کاریں/بائیک اور موبائل فون کی برآمد گی میں بہت مدد فراہم کرتا تھا مگر گزشتہ کئی سالوں سے اس کی کارکردگی مایوس کن رہی ہے۔
سی پی ایل سی کی ویب سائٹ پر موجود حاصل شدہ ریکارڈ کے مطابق پچھلے 3 سالوں میں 1 لاکھ 56 ہزار 364 گاڑیاں اور موٹر سائیکلیں چوری ہوئیں، لیکن برآمدگی صرف 8 ہزار 480 کی ہوئی، اسی طرح 70 ہزار موبائل چھینے گئے مگر برآمدگی صرف 1300 رہی۔
سریاب کی لائبریری کا المیہ، ایک تشویش ناک ویڈیو رپورٹ
سی پی ایل سی کے سابق سربراہ جمیل یوسف بھی اس ادارے کی کارکردگی سے مایوس نظر آتے ہیں۔ ادارے کے موجودہ سربراہ زبیر حبیب کی مدت ملازمت کو ختم ہوئے عرصہ دراز ہو چکا ہے، مگر وہ اب تک اس منصب پر فائز ہیں۔ زبیر حبیب سے ادارے کی کارکردگی پر کئی مرتبہ مختلف ذرائع سے رابطہ کرنے کی کوشش کی گئی، مگر ان کا مؤقف حاصل نہیں کیا جا سکا۔
