The news is by your side.

Advertisement

وزیر اعظم کی ہدایت پر ذخیرہ اندوزوں کے خلاف بڑے پیمانے پر کارروائیاں

لاہور: وزیر اعظم عمران خان کی ہدایت پر پنجاب میں ذخیرہ اندوزوں کے خلاف بڑے پیمانے پر کارروائیاں کی گئیں، ذخیرہ اندوزوں کو 6 لاکھ روپے کے جرمانے کیے گئے جبکہ 5 مقدمات درج کیے گئے۔

تفصیلات کے مطابق وزیر اعظم عمران خان کی ہدایت پر پنجاب میں ذخیرہ اندوزوں کے خلاف اکتوبر میں کیے جانے والے کریک ڈاؤن کی رپورٹ چیف سیکریٹری پنجاب کو پیش کی گئی۔

رپورٹ کے مطابق پنجاب کے مختلف شہروں میں 49 ہول سیلرز ذخیرہ اندوزی میں ملوث پائے گئے، ذخیرہ اندوزوں کو 6 لاکھ روپے کے جرمانے کیے گئے جبکہ 5 مقدمات درج کیے گئے۔

اس دوران 10 گودام سیل بھی کیے گئے۔ حکام نے ذخیرہ شدہ 18 ہزار بوری چینی، 302 بوری چاول 11 سو 60 بوریا گندم کی بھی برآمد کیں۔

علاوہ ازیں ذخیرہ کیے گئے 26 سو 27 آٹے کے تھیلے اور 35 ہزار کلو گھی بھی ضبط کیا گیا۔

رپورٹ میں بتایا گیا کہ انتطامیہ نے بہاولنگر، راجن پور، فیصل آباد، چنیوٹ اور منڈی بہاؤ الدین میں کارروائیاں کیں۔

Comments

یہ بھی پڑھیں